第七十屆澳門格蘭披治大賽車今日起展開第二周的賽事。不過昨日有網民發現，近年觀賽「秘境」之一、位於東望洋賽道著名「髮夾彎」一旁的交通事務局停車場被白布遮擋。

在社交媒體Facebook群組「澳門交通現場」，有匿名網民昨日發佈了一張位於馬交石炮台馬路的交通事務局大樓外觀照片，當中四層停車場向街的部份都被白布遮擋（圖一）。網民留言：「多謝曬網紅&澳門交通現場嘅倒米專家，各位留（喺）屋企睇電視啦。」另一張照片是從室內朝外角度拍攝，被標註「俾垃圾小紅書搞死 #交通事務局」（圖二）。

圖片引起網民熱烈討論。有網民笑指：「小紅書作者所到之處，（寸）草不生」、「咁多年都唔封，一上小紅（書）就做（嘢），祖國網紅厲害。」有人就指停車場被遮蔽後「好熱冇風！」、「多謝，網紅！真係多X謝佢」。有人批評政府小氣：「又俾佢搵到條洗錢大計，一裝一拆，又唔知洗幾多錢，不如喺門口加個售票處搵錢好過啦。」「都唔肯（俾）人睇吓免費車，都做唔到與眾同樂（嘅）」「封埋望到賽道啲大廈丫笨」「封（咗）啲窗同通風位阻礙逃生（嗰）陣條數政府埋單？」但亦有人解釋大廈是政府地方，政府有權封閉。

有網民就分享自身經歷：「以前喺漁翁（彎）某大廈做嘢時，我（哋）連埋住客喺我地大廈平台呀，停車場睇，然後下面個警察叫我地唔好企係度睇，入返哂去，然後有個住客即時X話，關你咩事，呢度係我（哋）地方，你行必唔好入（嚟）借廁所呀，一借就投訴你，即時收咗皮。」隨後有人回應：「佢心諗叫咗你唔好睇，你出咩事就後果自負咁囉。」言論引起其他網民反駁：「可以出咩事？撞車飛到上來？咁賽車系咪要全城撤離？摩納哥新加坡（啲）原住民都照睇。澳門唔好搞到咁肉酸啦。」有人建議：「去對面大廈睇。」

在同一個群組，有網民分享了一個小紅書帳號的截圖，當中有一名女子站在涉事大廈停車場陽台的位置，上面的字幕是：「記得趁早霸個靚位啦。」下方又標註：「澳門大賽車零元看！我怕你玩到不想走！」

事後帳號已經找不到有關影片，懷疑已被刪除。不過只要以「澳門 賽車 免費」或「零元看」等關鍵字進行搜尋，仍然可以發現部份網民推介「白嫖」（內地用語，即並非循正規途徑獲得免費物品、服務等）看澳門賽車地點的帖文，有酒樓、商店等，更有帳號聲稱這是「城市賽道的魅力」。不過該帳號仍然提醒「白嫖」者注意安全、服從工作人員指揮等。另外，也有帳號公然兜售大賽車「贈票」、出租集車區通行證等。