能夠環遊世界相信係唔少人，包括濠記嘅願望。咁如果你有機會可以環遊世界一次，你想玩幾耐呢？一個月？一年？

有一對阿根廷夫婦剛剛完成咗佢哋嘅環遊世界之旅，而佢哋呢次旅程足足用咗二十二年！旅途完返到阿根廷仲多咗四個人一齊返嚟！原來佢哋喺旅途中生咗四個仔女，最大個十九歲，最細嘅而家都已經十二歲啦！

呢一對姓賽普嘅夫婦，2000年1月25日喺首都布宜諾斯艾利斯方尖碑出發嘅時候，男嘅31歲，女嘅29歲。佢哋係喺結婚六年嘅時候，開始有壯遊嘅想法，即使當時兩人都有好好嘅工作，仲啱啱起好自己嘅房子，亦都計劃生兒育女。

而佢哋環遊世界嘅第一步，就由美國阿拉斯加開始。旅途上，有人畀咗佢哋一架1928年嘅老爺車，雖然引擎並唔好，睇落又唔舒服，但「無論喺城市、泥路或者沙地，佢都行得。」佢哋喺呢廿二年間只係同架車換咗八組輪胎，大修咗兩次引擎。

旅途中，他們喺美國生咗現年19歲嘅潘帕（Pampa），喺返阿根廷期間就生咗現年16歲嘅德修（Tehue），還因此將架車砍半加長40公分，加多咗一排座椅。現年14歲嘅帕洛瑪（Paloma）同現年12歲嘅威勒比（Wallaby）先後喺加拿大同澳洲出世後，架車嘅空間都仲夠大。他哋即使喺前年因新型肺炎被困喺巴西，仲收養咗狗仔塔蒙（Timon）同貓仔哈庫納（Hakuna）。

廿二年來，賽普一家足跡踏遍美洲、非洲、大洋洲、亞洲同非洲至少102個國家，不過有時都要兜吓路，避開戰爭或者其他衝突。佢哋攀過珠穆朗瑪峰，喺亞洲品嘗鴨蛋，喺非洲納米比亞同原住民共舞，喺埃及進入少年法老圖坦卡門嘅墓。對於小朋友嚟講，呢個係永世難忘嘅經歷。旅行期間，佢哋遙距上堂，亦跟著媽媽在家學習。

遊途中，賽普一家通常借住善心人士嘅屋企，估計前前後後大概借住咗二千戶人家。太太坎德拉里雅（Candelaria）說：「人性真係好美好，許多人出手相助，只不過係希望成為夢想嘅一部分。」一路上亦都遭遇過困難，丈夫赫爾曼（Herman）曾染瘧疾，一家橫跨亞洲時撞到禽流感爆發，在非洲時要提防伊波拉（Ebola），在中美洲亦要留意登革熱。

對於旅程即將結束，兩夫婦嘅先生赫爾曼同法新社話：「心情複雜。夢想即將結束，或者話係即將完成啦。」「我哋接住要做啲乜？幾千種變化，幾千種選項」，佢自己已經開始計畫再次環遊世界，不過今次會開船。

太太就話，最大、最好嘅發現係一路上遇到嘅人，「人係美好嘅，人性好了不起」。而即將要返學、14歲嘅帕洛瑪說：「最希望係能夠結交很多很多嘅朋友。」