朝早講完澳航……澳門航空，下晝就講吓另一個澳航……澳洲航空啦。

澳洲航空（Qantas）前日宣佈計劃恢復國際航班，最快今年底可望恢復英國、美國、加拿大、新加坡同日本航線。香港航線最快明年二月恢復，而疫苗接種率較低嘅城市，包括泰國曼谷同布吉，印尼巴里島，菲律賓馬尼拉，南非約翰尼斯堡同埋越南胡志明市，最快就要到出年四月啦。

澳航又預期同紐西蘭之間嘅旅遊走廊十二月中可以恢復。

根據澳洲最新嘅防疫規畫，當國內疫苗接種率達到八成，就可以進入四步曲嘅第三步，屆時已接種疫苗嘅澳洲人出境將不受限制，並擴大旅遊走廊嘅適用地區。當地至星期三已經有三成二16歲或以上人士完成接種。

澳航集團已經要求旗下澳洲航空及捷星航星的機組人員及機場員工，需要在 11 月 15 日或之前完成接種兩劑疫苗。其他員工則將需要在 2022 年 3 月 31 日或之前完成接種兩劑疫苗。澳航也計劃要求強制國際線乘客在完成疫苗接種後方可登機。

（9news／SBS中文）