今日係農曆四月十五，係滿月。

不過，當大家黃昏望向東至東南方，會發現月亮變成紅色。呢個就係傳說中嘅「血月」，亦即係月全食。

而今晚月亮嘅直徑比平常要大7%，係全年最大，亦即係「超級滿月」，所以今晚嘅月食係「超級月全食」。今次月全食在月出（晚上6點59分）前開始（晚上5點45分初虧），因此月亮會「帶食而出」；同時月全食的時間較短，出現喺晚上7點10分至7點29分，而整個月食過程會喺晚上9點52分結束。

氣象局提醒，屆時雖然有雲層影響，但大家仍然可以觀賞到月全食。觀賞月食嘅最佳位置喺東至東南方而無障礙物嘅地點，可以用肉眼或望遠鏡觀賞。

今晚6點半到9點，澳門科學館亦都會喺澳門科學館的心形樹附近海堤舉行「點亮星辰」—「月全食之約」觀測活動，現場將架設月全食直播平台，並設置數台天文望遠鏡對準月球，與公眾共賞月全食罕見天象嘅浪漫之夜。期待您嘅參加！