一趟旅行，除咗可以增廣見聞外，亦都係與人相處嘅大好機會。有時甚至可能結下一段良緣！

泰國國家旅遊局最近打算連「媒人」嘅角色都做埋，準備明年初推出專為單身人士而設嘅旅遊路線，帶大家到寺廟參拜祈福，實行催催戀愛運！泰國旅遊局旅遊與商品業務副局長塔尼強調，相關旅遊路線單身人士限定。

另外，泰航早前舉辦過全泰祈福飛行之旅。泰國國家旅遊局計劃推出第二期行程，可能會准許飛機落地，帶領遊客前往重要佛寺參觀和禮佛。

除咗上述針對單身人士嘅旅遊路線，泰國國家旅遊局仲致力開拓其他遊客市場，覆蓋泰國遊客、旅泰外籍人士，以及計劃明年允許國民出境旅遊嘅國家同埋地區嘅遊客，例如LGBTQ群體、美食愛好者、追求身心健康人士、天文旅遊愛好者以及從事數碼工作嘅外籍人士等。