飛機喺緩緩降落時，如果窗外有如詩景色，會唔會畀到大家一個良好嘅第一印象？

英國一個訂票網站今年二、三月間，舉辦「最佳降落景觀機場」選舉，超過6000名常飛旅客及航空愛好者投票。

結果愛爾蘭西北部多尼戈機場（Donegal Airport）獲得最多網民青睞，成就三連霸。網民讚許當地粗獷多變嘅山海景色，形容是震撼人心，係世上最美嘅景色。亦有網民欣賞機場員工友善熱情。

位於非洲坦桑尼亞魯阿哈國家公園嘅姆桑貝機場（Msembe Airstrip）排名第二。希臘斯基亞索斯機場（Skiathos）第三。港澳朋友較熟悉嘅有排第九嘅杜拜機場。

另外，以喺沙灘泳客頭頂上低空降落出名嘅加勒比海荷屬聖馬丁機場排第七。

亞洲區排名方面，馬爾代夫馬累機場排第一，香港機場第二，第三係泰國蘇梅島機場。

至於濠仔心中嘅「最佳降落景觀」？梗係澳門機場啦！因為無論外面風光幾好都好，澳門始終係我屋企呀嘛！不過唔知要幾時先可以再睇到呢個景啦……因為首先你要飛出去啊！

（CNN / PrivateFly）