印度最大嘅恆河，喺當地人心中有著神聖意義。印度教信徒更希望死後骨灰可以洒入恆河。再加上當地農工業、生活排污等因素，恆河污染問題一直十分嚴重。舊年香港有「連登友」甚至透露曾經接受印度同事挑戰，試飲恆河水，結果腹瀉大作。

不過，近期印度封城，生產活動大減，人們除了可以喺兩百公里外眺望多年因污染而睇唔見嘅喜馬拉雅山，就連恆河也受惠。

由於當局禁止人們喺河中沐浴及傾倒廢物，恆河水明顯更為清激，亦可以見到水中魚類及其他生物。更有科學家經過觀察，聲稱部分河段水質已經恢復到可飲用嘅狀態！

有印度大學教授指出，恆河一成污染物來自工業、酒店等活動。當所有呢啲設施都停業，水質改善達四至五成。同時由於過去數周有降雨，河水水位亦有所上升。就連恆河主要支流、流經首都新德里嘅雅木納河水質水量都有很大改善。

小知識：印度國歌《人民的意志》係由第一個獲諾貝爾文學獎嘅亞洲人、詩人泰戈爾作詞。歌詞當中就提及到印度各地區、喜馬拉雅山，恆河同雅木納河。

（News 18）