喺以色列，每日召喚救護車就有6000次。而喺疫情之下，召喚次數激增至10萬次。

而喺南部城市貝爾謝巴（Beersheba）兩名醫療輔助人員趁空檔祈禱。佢哋一個係猶太人，另一個係穆斯林。一個披上披巾，面向北方嘅耶路撒冷，另一個喺地上鋪上地氈，向南面向麥加。

一名同事拍下呢個鏡頭並分享出去，引起很大嘅迴響。但對佢哋嚟講咁樣係平常事。

信奉猶太教嘅亞伯拉罕‧敏茨（Avraham Mintz）話：「我們一齊祈禱，而唔係各自各，因為我哋現在有好多情況要處理。」至今以色列同巴勒斯坦分別已經有44人同1人死亡。

信奉伊斯蘭教嘅阿布‧賈馬（Abu Jama）話：「全世界都喺度作戰緊。」「呢種係一種唔區分任何人，任何信仰、任何性別嘅疾病。要將佢擺埋一邊。我哋一齊工作、一齊生活。呢個就係我哋嘅人生。」

阿布‧賈馬話佢喺禱告中記掛住佢媽媽：「佢身體唔好，即使我哋兩個同住，都要同佢保持距離。」 敏茨就話佢祈求上帝「畀佢見到結局，一個好嘅結局，因為我知道會係一個好嘅結局。而我希望到時都會在場。」