其實上星期三（3/18）一日爆25宗，然後星期五仲要48宗，已經係第二波疫情！而且澳門第二波嘅病例大部份都係經香港返嚟。當時就應該要醒目停團啦！

究竟某些人面對疫情，係要以人嘅生命定為賺錢為先？不過，有供必有求。嗰啲腳痕嘅人，點解要將自己嘅快樂建築喺澳門人嘅恐懼同痛苦上？就算唔諗吓澳門人，自己萬一去完中招呢？

用社會文化司司長歐陽瑜嘅金句贈畀香港人：「管好自己對腳！」都話呢個時候唔好外遊，包括澳門都唔好！