之前版主同大家分享過義大利嫲嫲嘅抗疫經驗。今晚又同大家分享呢首越南抗疫歌曲。依家仲透過「洗手舞」紅到超越國界！

你唔識聽越南話唔緊要，內容其實都係叫人做好預防措施，大家努力就會戰勝疫情。

不過首歌嘅MV開頭，見到有一對情侶，睇落好似唔相關，但原來係同歌名《Ghen Cô Vy》有關。越南話Ghen係妒忌咁解，而Cô係小姐嘅意思，Vy係當地嘅一個姓。Cô Vy讀音就好似冠狀病毒病Covid，意思係病毒好似第三者咁樣破壞人同人之間嘅關係。

澳門直到目前為止10宗病例都已經出曬院。本來越南16宗病例都已經康復出院。按感染人數算係全球最有成效。可惜呢兩日又出現兩宗新症。希望大家堅持，全世界都可以早日戰勝疫情、回復正常生活！

至於原曲MV，可以參考下面呢段片：