唐代大詩人李白嘅《早發白帝城》提到「千里江陵一日還」。有人還對呢句詩作過考究，由白帝城去江陵可唔可以一日行完？

不過依家科技進步，國內高鐵網更係四通八達。一日就可以走遍萬里江山！最近就有一對嚟自香港嘅兄弟，二十四之內乘坐高鐵行咗4967.8公里（3086.6 英里），仲創出「二十四小時內最長鐵路旅程」嘅健力士世界記錄𠻹！

兩兄弟由湖南長沙出發，經江西南昌、浙江金華、上海、山東濟南、北京、廣州，最後以廣西賀州為終點。

呢對喺香港成長嘅兩兄弟，細細個放假就會坐火車返廣州玩。媽咪仲買咗一本鐵路時刻表，啟發咗佢哋進一步坐火車旅行的興趣。

兩兄弟其中一位Rickly表示：「內地高鐵網絡令出行變得非常使利，比三十年前阿媽嗰本時刻表快得多。但對我嚟講，過程，而唔係甩的地先係最重要。」

呢位四十三歲喺佢嘅家族企業任職銷售總監，經常要穿州過省，亦要出國。而鐵路自己係首選。

有一個落雨天，當Rickly返緊香港嘅時候，佢諗起：「中國高鐵網絡依家咁發達，但點樣去驗證呢？」當佢後來聽到有坐火車旅行嘅記錄，佢就諗到可能係實現童年夢想嘅機會。

講到今次旅程嘅重點，Rickly就話，「係要喺正確嘅時刻出現喺正確嘅地方。我哋當日喺上海虹橋轉車只係用咗十九分鐘，仲要係由站嘅一頭跑到另一頭，然後過第二次安檢，上到車距離開車仲剩幾分鐘。」

「如果是但一班車遲到，我哋就無法創出記錄。」

大家又知唔知「萬里江山」出自邊個名家手呢？答案係宋朝辛棄疾《清平樂獨宿博山王氏庵》：「平生塞北江南，歸来華髮蒼顏。布被秋宵夢覺，眼前萬里江山。」而朝鮮就號稱自己「三千里錦繡江山」。

Brothers travel more than 3,000 miles around China by train in just 24 hours
https://bit.ly/2QB13sm