泰國曼谷出名塞車，不過同時亦正不斷拓展市內的鐵路網絡。

其中曼谷地鐵（MRT）藍線有四個新站將會喺聽日（9月22日）開始為期一個星期嘅免費試營運，另外7月29日開始試營運嘅五個站將會喺9月29日正式通車。

值得大家注意嘅係，當中兩個新車站同曼谷著名嘅景點：唐人街（Wat Mangkon站）、臥佛寺同大皇宮（Sanam Chai站）相當接近。以後去呢啲地方就唔怕塞啦！