暑假剛剛開始，都係時候總結一下上半年匯率走勢啦！

今年上半年泰銖喺亞洲貨幣可算係大贏家，兌美元上升6.3%，目前喺30.65-30.75兌一美元之間。雖然泰銖升值對當地人出外旅遊有利，但泰國工業總會主席就認為，泰銖理想匯率係35-36兌一美元。

由於澳門元同美元間接掛鉤，美元轉弱，澳門元兌泰銖亦轉弱。星期五澳門元兌泰銖報3.81482，而4月26日半年高位報3.96928。

（中國報、XE）