喺素有「人間天堂」美譽嘅印度洋島國馬爾代夫，上星期二傳出咗呢張震撼嘅照片：

一隻綠海龜喺地面上生咗三隻蛋，但仔細留意一下，所在地唔係我哋平時見到幼細嘅沙灘，而係灰黑堅硬嘅柏油路面！原來海龜係會記得自己出世嘅地方，長大咗就會返去產卵。

但呢隻海龜嘅家鄉已經變成一座機場。

當地媒體話海龜媽媽健康無大礙，亦已經被放歸大海。但佢以後點算？佢嘅龜BB又點算？

我哋為開發旅遊業，叫大自然付出咗幾大代價？