以前一聽到坐火車坐三等車廂，你可能會有擠迫、污糟、嘈吵等印象……
不過有「歐洲花園」之稱嘅瑞士最近都有恢復三等車廂嘅提議，話要提高同大巴以及電動車之間嘅競爭力。瑞士物價出名高，三等車廂可能係遊客一大福音！
但係，瑞士公共交通聯盟主席Ueli Stückelberger就話咁做唔會慳多啲，並且會令公共交通企業工作變得更複雜。目前，他佢哋專注喺提供非高峰時段嘅平價車飛，並對2020年以前嘅車飛都設定咗一個價格上限。
喺1956年之前，瑞士最大嘅鐵路公司——瑞士聯邦鐵路（SBB CFF）係有三個等級嘅車飛：「木級」、中級同埋豪華級。豪華級車廂嘅座位鋪咗天鵝絨，並裝咗用紅木製成嘅檯仔。公司喺對《新蘇黎世報周日版》嘅書面回覆中表示，三等車廂喺目前來講「唔係問題」。
聯邦運輸辦公室表示已注意到報告建議，佢哋將會喺「必要時」將建議納入其項目同戰略入面。
而根據瑞士聯邦鐵路網站顯示，由巴塞爾去首都伯恩、69公里車程，票價要20.5瑞士法郎（折合163澳門元），而珠海去廣州132公里車程，最低票價就要60人民幣（72澳門元）。
瑞士聯邦鐵路
https://www.sbb.ch/
（瑞士資訊，圖片來源：Keystone / Str）
濠遊天下 Macau on Journey, 