埃塞俄比亞航空ET302班機前日空難，引發全球對波音737 8 MAX客機嘅安全疑慮。至今埃塞俄比亞、中國、印尼、蒙古、摩洛哥，以及開曼航空都已經暫停使用相關客機。

空難有好多成因，例如係天氣惡劣、機件故障（包括機齡太舊）、操作失誤、恐怖活動等。

不過，隨著科技日新月異、航空業界提升了保養標準，以及全球加強保安措施，近年來乘坐飛機比以前已經安全得多。

鑑於出事飛機只交付咗四個月左右，出事機師亦有8,000小時嘅飛行經驗，加上一種新機型面世不到兩年，在一年內失事兩次，好難令人唔聯想到可能係設計問題。不過，目前都係等完成調查，再作結論啦！

另一個好多人都會關心嘅問題係，點樣避免搭上唔安全的客機呢？某些航空公司飛行紀錄不良，或者機齡太舊——例如ET302出事前一日喺哥倫比亞發生嘅另一宗空難，原來出事飛機喺1945出廠——有冇得避開呢？

大家可以查詢航空公司官網，或登入以下嘅網站了解：seatguru.com

而根據民航局的資料，澳門註冊的航空器並沒有波音737-8飛機；而目前，在澳經營的所有航空企業並未曾使用波音737-8飛機營運來往澳門的航線。

（圖片：Mike Siegel / 西雅圖時報）